ازاي تروح من المنيا

تعالى اقولك ازاي تيجى من المنيا لغايه جامعه شرق بورسعيد التكنولوجية

اولا عن طريق القطار

فى قطار مكيف روسى رقم 185موعد قيامه من محطه المنيا الساعه 4.25 دقيقه صباحا يذهب مباشرة إلى القنطرة غرب سعر التذكرة 135 جنيه ودا القطار الوحيد اللى بيذهب مباشرة إلى القنطرة غرب وبعدين هتعدى المعديه وطبعا المعديه جمب محطه القطار وهتركب ميكروباص إلى مدينه الشهداء هتقوله نزلنى الجامعه التكنولوجيه

ثانيا لو انت عايز تتحرك بليل وتلحق محاضراتك الصبح ممكن تركب أى قطار لغايه القاهرة وبعدين فى قطر مكيف روسى 3015 بيتحرك من القاهرة الساعه 4.50 دقيقه صباحا يذهب إلى القنطرة غرب يصل تقريبا 9 صباحا سعرة 65 جنيه وبعدين برده هتعدى المعديه وتركب للجامعه

وممكن بعد ما توصل القاهرة تركب مترو لغايه المرج الجديده وتركب من الموقف ميكروباص لغايه القنطرة غرب برده سعر الميكروباص 60 جنيه وطبعا بتاخد توكتوك لغايه المعديه او تتمشى عشر دقائق براحتك وطبعا الميكروباص أسرع ومش مقيد بوقت زى القطار

ثالثا لو أنت راجل مقتدر ماديا ومش بتحب القطار ممكن تركب ميكروباص من المنيا إلى القاهرة وبعدين تركب مترو إلى المرج الجديده وتركب من الموقف ميكروباص لغايه القنطرة غرب وبعدين هتعدى المعديه وتركب للجامعه وممكن تركب من المنيا لغايه القنطرة غرب مباشرة طبعا دا بالحجز مش من الموقف سعرة 300 جنيه بس بيوفر فى الوقت جدا ودول مجموعه ميكروباص بتسافر من المنيا إلى بورسعيد والعكس وتحجز معاهم بالتليفون ودول من عندنا من القريه طبعا أكيد فى كل مكان حد زى كدا

وطبعا فى سوبر جيت برده كل واحد على حسب أستطاعته الماديا والاريح طبعا

الطالب يوسف المنياوي

★★★★★