السكن خارج الجامعة

📌 خيارات السكن للطلاب في جامعة شرق بورسعيد التكنولوجية

الاختيار هيكون بناءً على رغباتك، وفيه أكثر من خيار حسب القرب والخدمات:

القرى القريبة للجامعة

• قرية الشهداء: أقرب مكان للجامعة، يبعد حوالي 5 – 10 دقائق توك توك، وبعض الطلاب يمشوا على الأقدام.

• رمانة: تبعد حوالي 10 – 15 دقيقة حسب موقعك.

• بالوظة: متوسط 15 دقيقة، ممكن تزيد حسب الطريق.

كل الثلاث أماكن دي متشابهة تقريبا، الخدمات فيها أقل شوية من المدن الكبيرة، يعني متوقع تلاقي الأساسيات فقط، مش أماكن للفسح والخروجات.

القنطرة

• القنطرة شرق: تبعد حوالي 40 – 60 دقيقة، المكان كويس وفيه كل الخدمات، وسهل الخروج لو حبيت تروح قهوة أو تتمشي شوية.

• القنطرة غرب: مدينة كاملة متكاملة، لكن لازم تركب المعدية كل يوم عشان تروح للجامعة، منصحكش بيها خصوصًا للطلبة الجدد.

مدينة بورسعيد

• بعيدة حوالي ساعتين عن الجامعة، فيها كل اللي تحتاجه، والأسعار معقولة، لكن مش الاختيار الأمثل خالص ( من وجهة نظري ).

💡 نصائح مهمة للسكن:

• يفضل البحث عن السكن بدري لأن عدد الطلاب زاد.

• لازم تدفع عربون لحجز الشقة.

• ممنوع تحويل أي فلوس لأي حد، خصوصًا اللي بيقول إنه بيوفر سكن.

• لازم تروح وتشوف صاحب السكن أو الوسيط بنفسك، وتشوف الشقة بنفسك، وتتفق مباشرة.

💙 الاختيار الصح هيوفرلك راحة ويخليك تركز في دراستك.