ازاي تروح من السويس

الطريقه الاولى و الأساسية:

تركب اسماعيلية من الموقف ، بعدين تنزل تركب من هناك عربية القنطرة غرب ، بعد كدا تركب توكتوك و تقوله رايح المعدية ، هتعدي هتبقي ف القنطرة شرق هتسال بعد كدا علي الموقف و تركب عربية (رمانة, رابعة,الاحرار) وتقوله رايح الجامعة التكنولوجية

٢. في ناس بتاخد سكن قريب من الجامعة (في رمانة او الشهداء او بالوظة) او سكن بعيد شوية في مكان اسمه (المدينة او القنطرة شرق)

٣. وفي طلاب بيسافرو كل يوم مواصلات او بيجمعوا مكروباص من السويس مباشر (طريق ساعتين ) من (نفق احمد حمدي)

٤. في طلاب كتير بيروحوا مباشر من اسماعيلية برده ممكن تتفق معاهم وتروح تركب من هناك (نفق اسماعيلية)

بالنسبة لمصاريف السفر من ٢٠٠ ل ٢٣٠ جنيه يوميا ولو هتاخد سكن هتحتاج من ٧٠٠ ل ١٠٠٠ غير المواصلات الداخلية و التامين (وياريت يكون صاحب السكن ثقة عشان بيحصل مشاكل لما تيجي تاخد التامين 👌🏽) و الكهرباء و النت و الانبوبة و المية حسب الاتفاق و الشبكات حسب المنطقة في شبكات شغالة في مناطق و مناطق لا وفي مناطق مفهاش خالص

الطالب عبدالله حسين

★★★★★