ازاي تروح من مرسى مطروح

عشان نركب من مرسي مطروح للجامعه في كذا طريق.

اول حاجه الطريق بتاع اسكندريه:

وده هتركب من موقف مطروح للاسكندرية ميكروباص او سوبر جيت او غرب الدلتا حسب ما تحب وتنزل أسكندرية الموقف الجديد (محرم بك)

بعدين هتركب من اسكندريه ل بورسعيد برضو في متاح " ميكروباص او سوبر جيت " هتنزل موقف بورسعيد وتركب من بورسعيد للقنطرة وتنزل القنطره تاخد توك توك للمعديه وتعدي المعديه الناحية التانيه وتروح الموقف جمب مطعم الننوس وهناك تركب للشهداء وتقول للسواق " انا عايز انزل عند الجامعه" وبكده تكون وصلت الجامعة

ويفضل انك تسافر من الصبح بدري عشان توصل هناك في النهار الطريق بياخد وقت حوالي ١٢ ساعه

تاني حاجه طريق القاهرة:

وده هتركب برضو من موقف مطروح للقاهرة متاح ميكروباص او اتوبيس وهتنزل القاهرة تركب لموقف المرج وتركب من المرج للقنطرة وهناك برضو هتاخد توك توك للمعديه وتعدي الناحيه التانيه وتركب ميكروباص للجامعه.

تالت حاجه ودي يعتبر اسهل طريق:

هتركب من مطروح لاسكندريه ومن اسكندريه هتركب محطة مصر وتنزل المحطه تركب قطر القنطرة غرب مواعيد القطر بتكون الساعه 4 العصر او 4 الفجر وهتنزل محطه القنطره غرب وتركب معديه القنطره تعدي الناحية التانية للقنطرة شرق وتركب من هناك الشهداء وتقول للسواق عايز انزل عند الجامعه

وبكده اكون وصلت ليك كل طرق للجامعه

الطالب حماد محمد

★★★★★