ازاي تروح من الدقهلية ( المنصورة )

افضل واسهل طريق من المنصورة بالنسبة للمدن والقرى القريبة من الموقف الجديد :

1. تنزل الموقف الجديد

2. تركب من الموقف عربية استاد سريع، تعرف السواق ينزلك قدام عربيات الإسماعيلية

3. اركب عربية الإسماعيلية وقول للسواق ينزلك في القنطرة غرب

4. تنزل القنطرة تركب توك توك وخلية ينزلك عند المعدية، الاجرة 10 جنية

5. هينزلك عند موقف تكاتك وهيقولك المعدية قدام، هتطول شوية لسكة القطر بعدين تعدي للمعدية،

6. لازم يكون معاك اثبات زي بطاقة ترشيح عشان تعدي من المعدية، بعدين تركب وهتنزلك القنطرة شرق

7. هتطول شويه وهتلاقي الموقف على ايدك اليمين، اسأل الناس على مكان الموقف واي حد هيشاورلك عليه

8. هتدخل الموقف تسأل عن عربيات رمانة، وتعرف السواق انك نازل الجامعة وهتدفع 5 جنية زيادة وهينزلك قدام الجامعة

الطالب محمود مصطفى

★★★★★

الطريقة التانية ولاكن ارخم كتير :

من الموقف الجديد تركب عربية لبورسعيد، ومن موقف بورسعيد تركب القنطرة غرب
تنزل القنطرة غرب تكمل اللفة بتاع المعدية

الطريقة الاخيرة:

هتكون عن طريق القطر ولاكن ارخم كتير وفيها تحويلة، فا لو انت لسه هتروح بلاش تجرب القطر